Ég sótti mikinn innblástur úr norna- og galdraheiminum fyrir línuna. Ég hef alltaf tengt mikið við hina æðru heima og hef lesið mig mikið til um íslenska galdraiðkun. Ég hugsaði línuna út frá því hvernig hinar fornu nornir myndu klæða sig í nútímaheiminum.
Þegar ég fór að finna nafn á línuna hugsaði ég um forna galdraiðkun á Íslandi. Seiður eða Seiðr er hugtak sem á við forn-norrænt form af galdraiðkun. Seiður þótti vera kröftugasti galdur með norrænum mönnum og byggist á algleymi iðkenda og sálnaflakki.
